2020-06-07 Y与生活
HiMedia 配备官方 HKTV 点播电视盒不日落场!Hi 

虽然个个都想买个电视盒安座家中舒舒服服睇 HKTV,但係因为无点播功能睇得真唔过瘾,虽然之后有个第三方 App 可以做到点播,但点都唔够用官方 App 咁爽。究竟点先可以用电视盒但又有平板睇 HKTV 咁效果呢?唔使用剑嘅,装返佢哋公司宽频就得啦,HKBN 宽频家阵做优惠,送 Android 盒加送 HKTV Mall Dollar ,又可以做到点播功能,好似好劲咁喎。

佢个优惠就写明要用佢个宽频签 24 个月以上先有呢个优惠,虽然月费最平係 100M $168 起,仲可以夹埋 Facebook 按讚免埋两个月月费,不过换领条件都几多限制,除咗要透过 HKTV 个网登入去申请宽频之外,期限亦只係到今个月底,最绝係讲明有官方点播果部 HiMedia Q3 限量三千部先到先得,果 $500 HKTV Mall Dollar 当然亦一定要帮衬佢个购物频道。

如果本身有宽频又有约係身咁不如等下喇,事关预载 HKTV 点播软件果部 HiMedia Q3,收到风代理果边迟少少会将部机放埋放落场卖,唔係比「$500购物,下下都使突」就无谓啦。